Biografie Audizioni Contatti

PRIMO TEMPO

 

SOLISTA
Chiangi Palermu, chiangi Siracusa
a Carini c'è lu luttu in ogni casa
cu la purtà 'sta nova dulurusa
mai paci pozza aviri a la so casa.
La megliu stidda ca rideva 'n cielu
arma senza cappottu e senza velu
la megliu stidda di li Serafini
povira barunissa di Carini

MUSICI
Sciumi muntagni ed arbuli chiangiti
suli cu luna cchiù nun affacciati
la bella barunissa chi pirditi
vi li dava li rai 'nnamurati
Acidduzzi di l'aria chi vuliti
la vostra gioia inutili circati
varcuzzi c'a sti praj lenti viniti
li viliddi spingitili alluttati
Ed alluttati cu li lutti scuri
ca morsi la signura di l'amuri
la megliu stidda di li Serafini
povira barunissa di Carini

SULLA CODA MUSICALE I MUSICI SI SPOSTANO
SULLA DESTRA INFERNO - SUL FONDO,
AL CENTRO E' APPARSA DONNA LAURA,
LA BARONESSA DI CARINI -
HA UNA MACCHIA DI SANGUE ALLA ALTEZZA
DEL CUORE.
LA MUSICA E' MOLTO DOLCE-
TUTTI SI AVVICINANO A LEI CON STUPORE.

SOLISTA
Chi veni a fari ccà bedda picciotta
la to billizza nun è pi sti lochi
cu fu ca ti grapì sti infami porti
cu fu ca t'impunì sta tristi sorti.

CORO
Cu ti graprì lu cori a cutiddati
genti senza cuscienza nè pietati
cu t'astutà 'nta l'occhi li faiddi
cu fici sgarbu a sti carnuzzi beddi

LAURA
Ci curpa Diu si sugnu 'mmezzu a vui
Diu ca porta a bannera di l'amuri
picchì p'amuri morta fui ammazzata
e pi l'amuri o 'nfernu cunnanata.

CORO
Nun chiangiri picciotta 'un servi a nenti
cumincianu pi tia li patimenti
ca lu Signuri di grittu o di tortu
fà soccu voli di chiddu ch'è mortu

LAURA
Picchì stu Diu s'a piglia cu i 'nnuccenti
quannu ci sunnu latri ed assassini
chi tiranu li fila di la terra
cumannanu la paci oppuru 'a guerra

CORO
Chisti tutti ccà dintra 'i pò truvari
'mmezzu a li peni e li dannazioni
Diu nun si sbaglia si ccà nni truvamu
sta puru certa nni lu miritamu

SOLISTA
Chiuttosto tu cu si, piccitta bedda?
e chi facisti? Chi ti succidiu?
Parla e videmu si c'un sbaglia mai
stavota fici un sbagliu granni assai

LAURA
Sugnu la barunissa di Carini
m'innamurai d'un beddu cavaleri
lu Vernagallu di sangu gentili
chi di la gioventù l'onuri teni.

CORO (Parlato)
- La barunissa di Carini - La barunissa di Carini - La barunissa di Carini - (AL PUBBLICO) La barunissa di Carini

CAMBIA LA SCENA -


SONO IN VENDITA LE BASI MUSICALI DI:

Caino e Abele


Storie
di Periferia

Baronessa
di Carini

L'Altra Cenerentola



Nota: Le foto presenti su MusicalStore.it sono state in larga parte prese da Internet, e quindi valutate di pubblico dominio. Se i soggetti o gli autori avessero qualcosa in contrario alla pubblicazione, non avranno che da segnalarlo alla redazione - indirizzo e-mail webmaster@musicalstore.it, che provvederà prontamente alla rimozione delle immagini utilizzate.